عايدة غنيم لبدرية طلبة انتي كومبارس اللهم لا شماتة

 ناس كتير اوي بتشتكي أن شعرها هايش وناشف وجاف دايما خلونا انهارده نشرح اهم الاسباب اللي ممكن تعمل حاجة زي كدة

وازاي نقدر نتفاده مشكلة الشعرالهايش !!!!

الشعر الهايش

اسباب الشعرالجاف والهايش وعلاجه

زمان كنا بنلعب لعبة ان احنا نجيب مشط بلاستيك ونقعد نحك نحك جامد جدا في شعرنا وبعدين نقربه جمب الورق وبنلاقي ان الورق دا بيتشد للمشط .

او كنا نجيب بلونة ونحكها جامد في شعرنا هنلاقي الشعر بيبدا يقف ويقرب من البلونة .

طيب الكلام دا بيحصل ازاي يا شباب !!!

اصدارا بتاعت اي مادة بتتكون من جزيئات صغيره جزيئات اسمها اليكترونات ودي بيكون عليها شحنة سالبة وجزيئات اسمها بروتونات ودي بقي بيكون عليها شحنة ايجابية .

 الطبيعي ان عدد البروتونات وعدد الالكترونيات دي بتكون متساوي فبتكون الشحنه بتاعت اي مادة بتكون متعادلة لا هي سالبة ولا هي موجبة .

 لما جسمين بيحكوا مع بعض ويحصل احتكاك جامد بيحصل تغير في الشحنة دي وبتبدا الالكترونات تتنقل من مكان لمكان
فالجسم اللي بيكتسب الالكترونات بيبقي شحنة سلبية واللي بيفقد الالكترونات دي بيكون عليه شحنة ايجابية .

الشعر الهايش

وبالتالي يا جماعة الموجب والسالب بيبداو يشدو بعض فلو حاجتين الشحنة بتاعتهم عكس بعض فبيبداو يشدو بعض زي المغناطيس
ولو حاجتين ليهم نفس الشحنة سواء سلبية او ايجابية بيبداو ينفرو من بعض .

ودا بالظبط ال بيحصل للشعر الجاف والهايش بتاعنا لما بنيجي نحكوا بحاجة لو الحاجة دي خدت شحنة عكس الشحنة بتاعت الشعر بيبدا يتشد ليها زي المثال بتاع البلونة دا .

لكن الشعر كله بيكون واخد نفس الشحنة فلما بيتعرض للموضوع دا بيبدا الشعر يبعد عن بعض علشان الشحنات بتاعته  كلها زي بعض وبالتالي لما كل شعره بتبعد عن اللي جمبها بيبدا الشعر ينفش ويقف .

 السبب الاول  للشعر الجاف والهايش 

عشان ظاهره زي دي تحصل محتاجة ان الشعر يحصل فيه احتكاك جامد ودا بيحصل لما يكون الشعر جاف سواء بيحتك بنفسه او بيحك بأي ماده بيتعرضها زي مشط او ملابس او اي حاجة بيسند عليها الشخص .

لكن لو الشعر مش جاف وعليه اي نوع من انواع الترطيب بيكون معامل الاحتكاك ضعيف جدا فمش بيحصل عمليه الهيشان دي .

الشعر الجاف والهايش

السبب الثاني للشعر الجاف والهايش 

هو ان الشعر يحتك بحاجة تكون سهل انها تفقد عملية الالكترون دي زي البلاستك والانسجة الصناعية بشكل عام .

عشان كدا تلاقي الناس اللي بتشتكي من ظاهره زي دي مش بتكون دايما بتكون موجودة يعني ساعات بتكون موجودة وساعات لا وساعات بتبقي موجوده جامد وساعات لا حسب حاله الشعر حسب هو بيتعرض لاحتكاك مع اي مادة
فلو حد بيحصلو الظاهرة دي علشان يمنعها لازم :

•  يحاول يحافظ علي الترطيب بتاع الشعر سواء عن طريق اننا نستخدم شامبو يكون طبيعي او بلسم او اننا نستعمل أفضل كريم للشعر الجاف والهايش او نستخدم افضل سيروم للشعر الجاف والهايش علي شعرنا .

•  مش المفروض اننا نستخدم شامبو نغسل بيه شعرنا اكتر من مراتين في الاسبوع ويفضل لو بيحصلي دا ان انا دايما استخدم شامبوهات طبيعية جدا لانها من اكتر الحاجات اللي بشتيل الطبقة الدهنية من علي الشعر .

• ان الشخص يحاول علي قدر ما يقدر ان اللبس اللي بيلبسو او اي حاجة بتعرض للاحتكاك مع الشعر تكون قطن 100%100 .
  
  
• لو قدر يستخدم مشط يكون خشب بدل المشط البلاستك هيكون احسن بكتير .

لو عملنا الحاجات دول هنقدر نمنع تماما الظاهرة دي انها تحصل