عايدة غنيم لبدرية طلبة انتي كومبارس اللهم لا شماتة

 هنتكلم انهارده يا بنات عن جلد الوزه او اسمها العلمي ( Keratosis Pilaris ) بمعني هي مشكلة مرضية في الجسم باحتباس الشعر تحت طبقة الجلد وذلك يكون نتيجة تراكم الكيراتين علي سطح الجلد في الاعلي ويقوم بسد بصيلات الشعر وثباتها تحت الجلد .

المشكلة دي هنلاقيها عن بنات كتير مش بس بنات ولاد كمان بتبقي دايما الشكوه يقولك  انا جلدي خشن او محبب او حاسس ان الشعرايا محبوسة تحت الجلد .

سبب ظهور الشعر تحت الجلد ( جلد الوزة ) 

ظهور الشعر تحت الجلد

المشكله دي بتظهر في اغلب الاماكن في الجسم يعني مثلا الدراع وبذات من فوق الارجل والافخاد وممكن كمان في الضهر وبعض الناس بتظهر معاها في الوش طيب علشا نعرف هنحل المشكلة دي ازاي ولازم الاول نفهم المشكلة دي تحصل من ايه عشان نقدر نعالجها وكمان نتجنبها بعد كدا .

احنا عندنا في جلدنا بروتين طبيعي بينتج علشان يحافظ عليه ويحميه اسمه الكيراتين ( keratin Layer ) الكراتين دا بقي زي أي خلاية له دور حياة فتره بيتجدد وبيقع وبينتج غيره لكن الناس دي بيبقي عندها مشكلة في انتاج الكراتين بشكل ازيد من الناس الطبيعية .

وبالتالي الكراتين بيتراكم علي الجلد ولما بيتراكم الكراتين بيحسب الشعرايا بدل ماكانت بتطلع كدا طبيعي لا بتلاقيها مش عارفة تطلع الكراتين حبسها فوق فبتبتدي تعمل شكل الحبوب الحمرا واحيانا لما الشعر بتتحبس تحت الجلد بتحاول تخرج باي طريقة ودا بيعمل التهاب شوية وبتظهر الحبوب نتيجة دا .

سبب ظهور الشعر تحت الجلد ( جلد الوزة )

•  العامل وراثي  يسبب العامل الوراثي بشكل كبير بمعني ان الشخص يكتسب المرض دا من عائلته .
  
  
•  الجفاف  الناس اللي جلدها جاف جدا بيبقي اكتر الناس المعرضة لجد الوزة وكمان بيزيد جدا في فصل الشتا .
  
  

• الحمل  بتزيد مشكلة ظهور الشعر تحت الجلد عند فترة الحمل ودا لان اثناء الحمل طبيعي بتتغير هرمونات كتير في الجسم .
  
  

• طريقة ازالة الشعر  ناس كتير تستخدم حاجات كتير لإزالة الشعر غلط وعلي رأسهم شفرة الحلاقة وكمان مش بيرطبوا بشرتهم بعدها .
  
  

حل التخلص من ظهور شعر تحت الجلد (جلد الوزة ) 

• التقشير : عملية التقشير مهمة جدا علشان نتخلص من الكراتين الزيادة اللي علي سطح الجلد المسبب اصلا لمكشلة ظهور الشعر تحت الجلد ومخلي الشعرايا مش عارفة تطلع، اكتر بقي المقشرات اللي ممكن نستخدمها للمشكلة دي ونتخلص منها هي :

1. Salicylic Acid 
   
   
2. Urea 10%
   
   
3. Lactic Acid
   
   
4. AHA
   
   
5. Tretinoin
   
   
   

• الترطيب : عملية الترطيب مهمة جدا جدا مهمتها انها تتخلص من جفاف الجلد وبالتالي مش هيحصل المشكلة دي كمان بتسهل خروج الشعرايا ومفيش حاجة تعقها وبتطلع بكل سهولة .
  
  ملحوظة : لما تتخلصي من المشكلة دي حاولي تفضلي ترطبي بشرتك عشان تتجنبي ان المشكلة انها ترجع تاني، لان الناس اللي عندها المشكلة دي بيبقي دايما عندهم استعداد لتراكم الكراتين فلازم استعمال الترطيب بشكل يومي .
  
  
  

نصائح لازم نمشي عليها بعد حل مشكلة جلد الوزة

عندنا بقي شوية نصايح عشان بإذن الله لما نلاقي المشكلة اتحلت نمشي عليها ونكمل عشان متظهرش تاني نهائي وهي :

شرب المياه : لازم نشرب كمية مية علي الاقل 2 لتر في اليوم علشان بتخلي الجلد يترطب طبيعي .

عمل اسكراب للجسم : لازم تعمل اسكراب لجسمك ودا قبل ازالة الشعر سواء بأي طريقة انت هتستعملها عشان نقشر الكراتين او اي جلد ميت عليه.

الاستحمام بماء دافئ : لازم الاستحمام للشخص المصاب بجلد الوزة يكون بميه دافيه ودا لان الاستحمام بالماء البارد  بيخلي الجسم في الحالة برودة وبيكون الجسم ساقع ودا بيسبب جفاف لبشرتك فبيكون ضروري بعد الانتهاء من الاستحمام ترطيب جسمك .